| Profil de فلافلفـلافـل ღBlogListes |  Outils  Aide |
|
|
فـلافـل ღ.. للمصالة عنوان
27 octobre باركوووووووولي بلوق سرييييييييييييييييع ينافس الضوء <<نكتتك والله اللي تنافس ابو هلال بالمصالةالموهييييييم انا لي 5 شهور وسبيسي زي ما هووو مفيش حاقة قديدة .. لان الدنيا كلها كانت زحمة وحوسها وحالتها صعبة
 بس واخيييييييييييرا جا الشي اللي بيرتبها ويخليها زي الفل  اختي ولدت .. يعني صرت خالة .. واخيرا تحقق حلمي وصرت خالة <<من زمان ودها تصير عبده <<اموت يا قشطة ^
^
 وش قاعدة اخربط انا ؟؟ .. الظاهر بديت اهلوس مع الفرحة  هالبلوق معدل معدل الله لا يعوق بشر .. بس اصبروا لين استجمع قواي الجسدية والعقلية والنفسية واضبطه لكم وووبس
يوووه نسيت اقولكم اختي جابت ولد زي فلقة القمر <<الا مثل فلقة الطماطة
من جد مدري ليش جاي احمر بس يظل مملوح
وعلى فكرة ترا مالها الا نص ساعة والدة .. بس ارسل لي صورة الولد رجل اختي عشان ما نتهور ونطب عليهم بالمستشفى الحين يلا بايو
ملاحظة :
كل واحد يسوي كومنت يجيب معه طلاعة وحتى لو ما سوالي كومنت يجيب الطلاعة ولو* 2 juin ما صارت عاد !!!حبيت أقولكم انه بعد اكتشافي لوفاة سلافحي بيومين ماتت سمكة أختي سبحان الله المصايب تجيك مرة وحده (مدري وش جاهم الحيوانات قامو يموتون الظاهر إنها الرياح اللي تختطف أرواح المؤمنين) عاد وشلون ماتت السمكة خل أقولكم السالفة كنت ماره من جنب الحمام وألقى أختي وبنت خالتي هناك قلتلهم تعالو ارقصوا في غرفتي <<فاتحة غرفتها ديسكو ويوم التفتو علي وأشوف وجيههم سودا مدري وش فيهم جيت وأنا مرتاعة أقول وش السالفة أختي ما قدرت تتمالك نفسها ونزلت منها الدمعة غصبن عنها السمكة تبي تموت كله من ذا الشغالة الـ #@%# هي اللي موتتها والله لا افقع وجهها الشغالة (شغالتنا جديدة ما تدري وش اسمها) أنا : وشو وش صار ؟؟؟ ما قدرت أختي تتكلم فقالت بنت خالتي اللي نايمة عندنا لها أسبوع : شغالتكم ذي حطت للسمكة أكل كثير والسمكة ميتة قمت أنا طليت في الحوض والاها منقلبة بس إنها تتنفس وتصرخ تقول هييلب << جايبينها من برا يعني توها فيها روح قلتلهم لااا يا دلوخ قاعدة تسبح على ورا <<أنتي الدلخة والله .. طبعن قلتها وأنا اضحك يقالي انكت بلطف الجو ويعطوني نظرة سكتتني قمت قلت يلا يمكن نقدر نساعدها هنوفه(أختي) طلعي الطشت هي :لا مابي خلاص القلخهاخقهال<<خرابيط قالتها وهي تصيح مدري وشي وبعدين قلتلها هاو ما هقيتك كذا تصيحين عشان سمكة وطلعت من الحمام وراحت قفلت على نفسها الغرفة عاد أنا لاحظت إن موية السمكة نظيفة وحنا من شرينا السمكة ما غيرنا مويتها فيوم لمست الموية الاها تفووووح اثر الشغالة منظفة الحوض وحاطتلها موية حارة من زود الجهدة يقالها ادفى قلت يمكن يمديني أنقذها<<مسوية سوبر مان .. قمت طلعت الطشت بسرعة وعبيته موية باردة وحطيت السمكة فيه في محاولة إنعاش بائسة المهم قعدنا شوي لين قامت ترافس ترافس وقالتلي قبل ما تموت فلافل تكفوووون لعد تجيبون حيوانات وقررت أنا إني اعمل بوصيتها ولعد أجيب شي أعذبه معي والوكاد إنها ماتت لأنها ما تعودت على المويه النظيفة فما فرقت معها حارة ولا باردة وأنا مدري والله وهذي صورها :
السمكة وهي في الطشت عقب ما ماتت
الحوض بعد ما رحلت المغفور لها بإذن الله
(تقدرون تلاحظون الأكل اللي مكبوب وش كثرة)
وأحب أوجه رسالة لأختي الحبيبة من خلال السبيس وأقولها اصبري وهذي الدنيا ومحد باقي كلنا نبي نموت وربي قدر لها إنها تموت في هاليوم وبهالطريقة وحنا ما نقدر نغير شي والصياح مب جايب نتيجة
1 juin سلافحي الجميلةفي ليلة من الليالي والعائلة تتسامر زي العادة قلت لامي: أبي اشري جمل أمي قعدت تستوعب شوي بعدين قالت :ها ؟؟؟!!! حسيت أنا إني مالي داعي قلت :طيب حصان قالت: فلافل عسى ما شر وش فيك ؟؟ قلت: اوكي طيب غزال أمي ما قدرت تطالعني قلت: خلاص اجل أبي قرد أمي تقول وهي تحاول تمسك أعصابها: فلافل أعقلي أنا: طيب ليش ما نشتري قطوه أمي: أمراض عاد أنا عصبت قلت :ما علي أبي يا قطوة يا فار يا ضب يا سلفحاة أمي جاوبت بدون تفكير: سلفحاة ورحنا محل الحيوانات عشان نشتري سلفحاة ويوم رحت بغيت أصيح من ضيقة الصدر وأنا أشوف ذا القطاوة تدحوس قدامي وما اقدر اشتريها آه شعور من جد لا يوصف المهم إني اخترت لي سلفحتين وشريت لهم حوض فيه شجرة وكذا مرتفع شوي عشان إذا طفشوا من تحت يرقون يغيرون جو وهذي صورهم
(المفروض إن صورهم تكون هينا بس إنهم ماتوا قبل ما أصورهم )
بس وش رأيكم وش اسميهم ؟؟ يلا كل واحد يعطيني رأيه (خلاص ما يحتاج أصلن ماتوا)
هذا البلوق كتبته قبل ما يموتون او بالاصح كانوا ميتين بس ما دريت عنهم تخيلوا اشتريتهم يوم الجمعة وماتوا الاحد يعني السلاحف اللي تعيش مئات السنين يوم جت عندي ماتت في يومين والله اني دايم احط لهم اكل وكل شي عشان يكبرون ويتزوجون ويجيبون عيال واصير جدة بس ماتوا
موقع الجريمة
وتقولي لي أختي إنهم ماتوا لأنهم انقلبوا والسلاحف ما تقدر تعيش وهي منقلبة يا عمري عليهم أكيد إنهم نفسيتهم زفت قبل ما يموتون قاعدة منقلبة تستنا بس تموت .. اسألوني عاد كيف اكتشفت إنهم ماتوا غير الريحة اللي صرعتني إنهم لهم ثلاث أيام منقلبين أنا على بالي نايمين ما عمري شفت سلاحف نايمة والله عشان افرق ويوم شفتها يا عمري منقلبة قلت خل أعدلها العادة إذا مسكتها تدخل جوا الحصاة اللي هي فيها بس هالمرة عادي ما عندها مشاكل قاعدة ما قالت شي قلت يا حبيلها بدت تفهم ودرت إني أمها وصارت تحبني ويوم حطيتها في الحوظ انعفطت يدها تحتها ولا قالت شي قلت البنت انطرمت ولا وش جاها وفي النهاية قالتلي شقراوية إن السلافح عطوني عمرهم
الفقيرة الى الله
فلافل
31 mai يوم من حياتي
هلاااااااااااااااااااع
ازيكو يا حلوين ؟؟
اشتقت لكم
(حومت كبد روحي
ما علينا اليومين هذولي كانوا مرة حافلين بالأشياء خل اسولف عليكم :
أمس سويت حركة بغت تذبحني أمي تخيلوا قبل أمس نمت الساعة 12 الظهر وما قمت إلا 7 المغرب مدري العشا أهم شي كان ظلما وتحسبوني يوم جا الليل ما نمت ما جت الساعة 11 إلا وأنا في سريري ويوم رجعت من الاختبار أمس تكيت عالنت إلى الساعة 1 الظهر وبعدين طلعت ونمت وما قمت إلا الساعة 12 يعني ما عشت طول هاليومين إلا 6 ساعات 4 ساعات في المدرسة وساعتين عالنت وقعدت ميتة من الجوع وخايفة اطلع ويهاوشوني صايرة منبوذة في العائلة محد يكلمني
يلا أنا بروح أفلها وانتم روحوا فلوها وبعدين نسولف وش فلينا اورفوار  26 mai احسن الله عزاكمهلاااااااع الاختبارات على الأبواب <<بدررري أنا عارفة انه بدرررري بس ما علي أنا توني استوعب المهم أنا بقول ليش كل الناس شايشين بالاختبارات والاختبارات جت وحالة ترا عادي كلها أسبوعين وتروح وبعدين وشو الاختبار ؟؟ كله ورقة مكتوب فيها أسئلة <<يقالها تهون الموضوع فاللي يبي يذاكر يذاكر واللي ما يبي بسلامته وش فيها إذا أخذت الثانوي في 10 سنين أهم شي خذتها في الأخير ولو بالدف وأنا لا اقصد هنا الطار ولاكن اقصد الدز ولو كان قصدي الطار كان من سنة جدي ناجحة المشكلة انه حتى لو كان قصدي بالطار أو بالدرجات في الحالتين بيغطون علينا المصاريا الله يقلعهم (حسبي الله عليك يا مروه أكيد انك تذاكرين الحين يالمفقوعه) بعدين أعلمكم سالفتها منيب رايقة الحين ما علينا المهم لا تذاكرووووون<< الله من زين الوصايا لأنه وصلني مسج قبل كم يوم يقول: تدرس = ما تسقط ما تدرس = تسقط معادلة: تدرس + ما تدرس = تسقط + ما تسقط بأخذ عامل مشترك : تدرس (ما + 1) = تسقط (ما + 1 ) نحذف (ما + 1) إذن: تدرس = تسقط وبضرب (ما) في الطرفين: ما تدرس = ما تسقط بالتالي: (ريحوا دماغكم) ـــــــــــــــــــــــــ حبيت أنبهكم على هالنقطة ولا تقولون خرابيط هذا رياضيات يعني الرياضيات غلط وانتم الصح ؟؟؟!!!!!! يلا بس روحوا صرفوا أعماركم اقعد اسولف عليكم إلى الصبح يعني ؟؟!! <<وش فيها شاشت ؟؟!! بايو 14 mai عداد الزوارهلاااع
حبيت ابشركم اني عرفت اسوي عداد الزوار عقبال ما اسوي ساعة خخخخ
ورقمك في الزوار هو
اذا كنت الزائر رقم 1111 سو لي كومنت لانه بيكون لك جائزة
وترا اللي ما يعلمني بتروح عليه هديتي القيمة تنبية
الجائزة ما نعطيها الا اذا سويت برنت سكرين واثبت انك الزائر الفائز 9 mai أخييييرااليوم تم بحمد الله اني ختمت القران <<وش تقول ذي؟! ما تتصورون قد ايش انا مبسوطة ولا تتصورون كيف كانت فرحتي وانا اسمَع اخر ايه من سورة البقرة بس الشي اللي من جد من جد ما تقدرون تتصورونه هو قد ايش انا خايفة من اني ما احافظ على اللي انا حفظته وان القران يجي يوم القيامة حجة علي وما يكون شفيع لي فالحين انا صح حفظته لكني يمكن ما بعد طبقته على الاقل مب كله والحين أي شي اسويه الذنب يصير علي مضاعف بس اتمنى انكم تدعون لي اني احافظ عليه واطبق احكامه ما اطول عليكم هذا بس اللي كنت ابي اقوله 6 mai تاريخ العملة السعوديةمنول (قبل توحيد وبناء) كان الناس اذا بغوا يشرون شي طبعا ما عندهم فلوس يقومون وش يزينون يعطونهم شي من اللي عندهم يعني مثلا ابشري شنطة فندي اعطيهم كف ويعطوني اياها(ياااليت) بس جا الملك عبد العزيز الله يرحمه ويهديه لو ما جا كان اسطر ذا العالم واشري وقال ما يصير لازم عملة معينة كلن يدفع على كيفه وين حماية المستهلك؟!!<< وش دخل ؟!..فقام وطبع الفلوس طبعا مب هو اللي طبعها قال لاحد يطبعها له افهموا يا عالم ما يحتاج كل ما قلت شي اقعد اشرحه المهم انهم طبعوا ريال وخمسة ريال وعشرة ريال والعشرة ريال طبعوها بشكل همن غيروة لانه ما جاز لهم طيب تبي تقولون ليش ما طبع اكثر ..انا ما ادري بس الظاهر العشرة ما توجد الا عند المليارديرات ذيك الايام وكان شكلها قروي شوي وهذي صورتها مات الملك عبد العزبز يلا خمس دقايق صمت على روح المرحوم . . . صار الملك الحين هو سعود وش سوا عاد؟..غير الفلوس وخلاها باسمه وطبع ريال وخمسة ريال وعشرة ريال وخمسين ريال ومائة ريال وكان شكلها مهنا زود عن اللي قبلها مار البرتقالية اللي في الاخير ما اقدر اشري بها من شينها وهذي صورتها
مات الملك سعود وقفة عشر دقايق حداد على الملك سعود والملك عبد العزيز . . . جا عهد الملك فيصل وعلى فكرة انا احب الملك فيصل مره وهذا مب معناه اني ما احب الملك عبد العزيز والملك سعود لا والله ترا غلاتهم وحده<< قمطت قام سوا فلوس جديدة وكما قلنا آنفن انه مب هو اللي سواها قال لاحد وهو تولى الموضوع وكانت هذي الفلوس تحمل اسم الملك فيصل وهي مرة تشبه فلوس الملك سعود فتقدرون تعرفون مستوى جمالها وهذي صورتها
مات الملك فيصل ربع ساعة رثاء على اللي ماتوا . . . مين الملك الحين؟ خالد خالد عاد برضو غير الفلوس وش سوا فيها حط عليها كلها صورة الملك فيصل الا المائة حط عليها صورة الملك عبد العزيز بتسالوني ليش ما حط صورته ابقولكم ما ادري بس فيه ناس كثير اشكالهم ما تطلع زينه في الصور ما يحبون اشكالهم فيها يعني ماله داعي اسولف لكم عن صوري الجميله .. بعدين انزلها في موضوع لحالها << ايه طيب اما بالنسبة لشكل الفلوس فانتم احكموا وهذي صورتها
مات الملك خالد ثلث ساعة رثاء على الملك عبد العزيز و الملك...الخ . . . جا الملك فهد واصدر فلوس جديدة عليها صورته واصدر بعد الخمسمية ريال الله يخليها لنا وهذي صورتها
متى يبي يسوون فلوس شكلها حلو
مات الملك فهد يلا نص الا خمس عليهم كلبوهم . . . جا الملك عبد الله ونحن في انتظار جديده بفارغ الصبر << عبدالمجيد هو ؟!
5 mai :)هلاا
كيفكم ؟؟
انا توني مسوية السبيس وهو فاضي تقريبا موب تقريبا هو فعلا فاضي بس ابصلحه واخليه مليان وان شاء الله بيصير احسن سبيس بالدنيا
|
|||||
وتستقبل التعازي والتبريكات هنا في سبيسي ولكم جزيل الشكر 
وهذي صورهم وهم ميتين :
احسبهم متسدحين يتشمسون
)
المهم إني عصبت مررة بس يوم شفت الساعة لقيتها 6 ونص قلت يا بنت الناس ماله داعي تتهاوشين مع الشخص الوحيد اللي يكلمك بالبيت وأنتي خلاص الحين تبي تروحين للاختبار بس طبعن هذا ما يمنع إني أوكلها كم شي وأنا طالعة المهم ركبت السيارة فتحت كتابي يقالكم براجع اكتشفت إني ما فهمت شي مدري وش أراجع ووش اخلي قلت بصرة بس وقعدت أتفرج على ذا العالم ما دريت إلا بووم وأنا اللي القاني جنب السواق قلت وش جابني فيذا ؟؟! واكتشفت إننا سوينا حادث رجعت مكاني واستناهم يخلصون الموضوع عشان أروح للاختبار وسواقنا اللي مب لوح ابد ابد نزل من السيارة وخلاها تشتغل وحنا ما مسك سيارتنا إلا السيارة اللي قدامنا ويوم تحركت وأدحدر أنا بلحالي أدحدر مستوعبين ؟؟!!! محد يسوق السيارة ؟؟!!..عاد أنا ما ودي ارتاع وأطير بوهتي قدام الناس قمت مسكت كتابي وقعدت أذاكر بكل برود يقالكم يعني ترا ما اهتميت عادي عندي ما تروعني هالاشياء لدرجة إن الناس يحسبون أنهم يتخيلون إنها تدحدر من البرود اللي فيني ونزلوا كل الناس عشان ينقذوني وأنا أذاكر منيب لمهم ومسكوا السيارة وجا سواقنا يركض وطب في السيارة مسوي حركات أفلام وكملنا طريقنا والسيارة هدووووء والسواق سكر الرادو حس إني من جد منسجمة في المذاكرة المهم وصلت المدرسة والساحة فاضية ما فيها إلا وحدة ماصلة تقول بسرعاااااااه عندك اختبار قاعدة تتعطري بدل ما تجري ؟؟!! قلت لها اجل اخيسهوم ؟؟!!! وأنا نفسي في طررف خشمي دخلنا قاعة الاختبار ووزعوا الأوراق الحمد الله كل الأسئلة تمام قفلت ورقتي وقعدنا شوي ما دريت إلا اسمع احد يهاوش قلت وشو ذا والتفت وألقى وحده تحاكي روحها تقول لا أنا أصلن عارفة ومستحيل أسامح ومدري وش تخربط بعد ومن جدها تهاوش وحماس أطالع من تكلم ذي محد حولها المهم إني أنا صدع راسي منها ومن ذا اللي تهاوشه التفت عليها قلت خلاص يا ماما الله يسامحه خلينا نعرف نسّبح <<ابد ابد ما كانت تحاول تتذكر البيت الأخير من الحل الصعب 
|
|
